వాకిలి » గరికపాటి సంగీత

కవిత కాదు

వాకిలి — Thu, 21 Feb 2013 17:03:59 +0000

కవిత కాదు
నా గుండె శబ్దం
ప్రవహింపచేసే సిర
రక్త ధమనులతో పాటు
కలిసి మెదడునూ చేరింది

వెయ్యి రంగుల సీతాకోక చిలుక
నా కళ్ళ ముందు
నుంచి దాటి పోతోంది
సంధ్య వేళ మిణుగురు పురుగై
నా ముఖాన్ని
వెలిగించి వేసింది

పున్నమి చంద్రుని సౌందర్యం
ఉదయించే సూర్యుని వెలుగై లేచింది

ఉజ్వలమైన రెండు కళ్ళతో
నా మనసు చిరునవ్వు నవ్వుతోంది

మూలం (అహోమియా కవిత): గరికపాటి సంగీత
తెలుగు అనువాదం: గరికపాటి పవన్ కుమార్

కేవలం ఒక దీపమే మిగిలింది

వాకిలి — Thu, 07 Feb 2013 21:15:14 +0000

ఒక్కడుగు ఉసిరి మొలక

    ఇప్పుడు నీకు నీడనిచ్చేంతయ్యింది

రెండాకుల మారేడు చెట్టుకప్పుడే

    మారేడు పళ్ళు పడ్డాయి

తెలియదు కానీ నువ్వెక్కడనుంచో తెచ్చి నాటిన మల్లెలు మందారాలు

    గులాబీ గన్నేరు

        పూల రెక్కలు కొన్ని ఈ రోజు నీ

            వంటి మీద పడున్నాయి

నిత్యం ఆకొకటి గిల్లే తులసి చెట్టుకి

    సరిగ్గా పక్కనే

        నువ్వు నిద్రపోయావ్

రెప్పకొట్టేంతలోనే ఈ ప్రదేశం

    ఖాళీ అయి

        కేవలం ఒక దీపమే మిగిలింది.

తెలుగు అనువాదం: గరికపాటి పవన్ కుమార్

మూలం: గరికపాటి సంగీత (అహోమియా కవిత)

సూర్యుడప్పటికే అస్తమించాడు

వాకిలి — Thu, 17 Jan 2013 01:19:41 +0000

విషణ్ణ మనస్సు
అలసిన శరీరం
అసహాయంగా, దుర్బల దృష్టితో
తూర్పు వైపు చూస్తూనే ఉన్నా

అవును, ఈ వైపే పొద్దు పొడుస్తుంది.
కాళ తుఫాను ఈ క్షణమే తెప్పరిల్లింది.
హఠాత్తుగా,
తెరపిచ్చిన ఆకాశం తెల్లవారింది
నా వెనకాలే, కానీ
సూర్యుడప్పటికే అస్తమించాడు

2. ఏ వైపునో నువ్వున్నది

కన్నీటితో వంతెన కడుతున్నా.
ఆశలతో ఎత్తైన నిచ్చెన
ఏ వైపునో నువ్వున్నది
దూరంగానా? పైనా?

తెలుగు అనువాదం: గరికపాటి పవన్ కుమార్
మూలం: గరికపాటి సంగీత

నాకు న్యాయం కావాలి

వాకిలి — Mon, 17 Dec 2012 18:38:22 +0000

కాలి బొగ్గైన నా శరీరం
పదే పదే చితిలో ఎత్తి పెడుతున్నావ్.
అయినా
బూడిద చెయ్యలేకపోయావ్
చెయ్యలేవు…

పిండైన నా హృదయపు
కాలిన నెత్తురు
చల్లబరుస్తోంది చితిని.

విచలితమైన కళ్ళ ప్రశ్నకీ రోజు
జవాబు కావాలి
మూగబోయిన నా కంఠంలోని
ఆర్తనాదానికి న్యాయం కావాలి

విశృంఖల సమాజపు
పాడు పడ్డ మెదడుకి
        తలకొరివి పెట్టి
        వచ్చి
        నా బూడిదను గంగలో కలుపు
ఒక రజనీగంధ పూవుతో పాటు

తెలుగు అనువాదం: గరికపాటి పవన్ కుమార్

(ఢిల్లీలో బలాత్కారానికి గురై ప్రాణాలు కోల్పోయిన “నిర్భయ” ఘటన ఈ కవితకు ప్రేరణ)

Original: గరికపాటి సంగీత (అహోమియా కవిత)

মোকন্যায় লাগে

জ্বলিএঙাৰহোৱামোৰশৰীৰটো

বাৰেবাৰেচিতাততুলিদিছা।

যদিও

ছাইকৰিবপৰানাই

নোৱাৰা……

বিচূৰ্ণমোৰহৃদয়ৰ

জ্বলা-তেজে

ঠান্ডাকৰিছেচিতা।

বিততচকুৰপ্ৰশ্নকআজি

উত্তৰলাগে

মূকমোৰকন্ঠৰ

আৰ্ত্তনাদকন্যায় লাগে

বিশৃঙ্খলসমাজৰ

বিজুতিঘটামগজুৰ

মুখাগ্নিকৰি

আহি

বিসৰ্জনকৰামোৰছাই

এপাহৰজনীগন্ধাৰসতে।

(సంగీత)

గరికపాటి సంగీత:
అసోమియా రచయిత, కవి, అనువాదకురాలు. తెలుగు నుంచి అసోమియాకు కవితలను అనువదించింది. అలాగే మొంటాలే, నెరుడా, పాల్ సెలాన్ తదితరులను అసోమియాలోకి అనువదించింది. సుభాస్ చంద్ర బోస్ జీవిత చరిత్రను రచించింది. బిహూ నాట్యం చేస్తుంది, హిందుస్తానీ సంగీతంలో విశారద. ప్రస్తుతం బెంగళూరులో నివాసం.
గమనిక: “స”ని ‘హ’ అనే ఉచ్చారణ చేస్తారు అందుకే “అసోం” “అసోమియా” అని రాసినా ‘అహొం’ ‘అహోమియా’ అన్నట్టు ఉచ్చారణ చేస్తారు.