విద్యయందు అనురక్తులై
ఉన్న ఊరిని కాదని వస్తారొకరు
అందరిలో చెప్పుకునేందుకు
అమ్మ, నాన్న పంపితే వస్తారొకరు

అమీర్ పేట గాలియో
హై టెక్ సిటీ మహిమయో
అవినీతి పై అసహనమో
నిరుద్యోగపు నిరాశయో

దారి ఏదైనా అన్ని దారులూ
అమెరికాకే, వీసా ఏదైనా,
వలసకొచ్చి వాలాము ఇచట
బంగారు కలలకై ఉంటాము ఇచట

కలత చెందినపుడు కవిత
లల్లుకొని కాలం గడిపేస్తాం
కన్నభూమిపై ప్రేమను
కాస్తయినా పంచుకొంటాం!