“ఎవరూ!… ఎం.ఎల్.ఎ.గారా!..”

“కులాసే గదా బాబూ!… మీనాన్న నాకు బాగా తెలుసు బాబూ .ఆయన అప్పట్లో నాకోసం చాలాసార్లు తిరిగాడు పాపం!.ఏం చెస్తాం..నేనైతే పదవిలోనే ఉన్నాను గాని ప్రభుత్వం మనది కాదుగదా!,అంచేత కొంచెం యిబ్బంది పడ్డాడు….”

” అంతా అయిపోయింది లెండి.తనమీద లేనిపోని ఆరోపన్లు వచ్చాయని,తనసర్వీసులో అపనిందపడాల్సివచ్చిందని బాధపడ్డారు , ఎవరో ఒక నాయకుడుట.. అతను చేసిన తప్పును తనమీదకు తోసేసాడని బాధపడి….ఆవిషయమై మీదగ్గరకు చాలాసార్లు తిరిగారు.ఏమి చేయలేక మనోవ్యాధితో చని పోయారు.”

“అదే బాబు చెప్పాను గదా!,నేనైతే పదవిలోనే ఉన్నాను గాని….”

“ప్రభుత్వం మనది కాదు అంటారు…”

“అంతేబాబు..అంతే..అంతే…”

“సరేలెండి,యింతకీ తమరు యిప్పుడెందుకొచ్చినట్టో!.. చెప్పలేదు.”

“అదేమిటి బాబు అలా అంటావు. మీ నాన్నపోయాడని తెలిసి ఓ మారు పలకరించి పోదామనే వచ్చాను.చాలా రోజులే అయిందనుకో,కానీ..ఏం చేయడం ఢిల్లీకి హైదరాబాదుకి ఆ విమానాల్లో తిరగలేక చస్తున్నాననుకో… ఓపక్కప్రజల పనులు..మరోపక్క పార్టీ పనులు… అబ్బబ్బబ్బా….ఊపిరాడదనుకో….అంచేతే అప్పట్లో రాలేక పోయాను.ఎంతైనా మనం మనం కావలిసిన వాళ్ళం గదా!..

మీకు అన్యాయం జరిగిందని. మీకూ రేపు ఏదైనా జరగొచ్చని,ఊరిలో కుర్రాళ్ళందరిని కూడదీసి యువజన సంగం పెట్టావని తెలిసింది. నీకెందుకు బాబు శ్రమ..నేనులేనూ.. నువ్వదేమీ మనసులో పెట్టుకోకు.అప్పుడేదో అలా జరిగిపోయింది. ఈ సారి ఎలాంటి పనైనా నేనే దగ్గరుండి చేయిస్తాను.ఆమాటే చెప్పిపోదామని వచ్చాను.

అలాగే పనిలో పనిగా చిన్నమాట కూడా నీతో అనిపోదామని…మరేమీ లేదు బాబు…ఎలక్షన్లు దగ్గరకొస్తున్నాయి నీకూ తెలుసుగదా,అవతల కులం వాళ్ళకు దక్కకూడదని,ఎంతైనా మనకులానికే దక్కాలని పట్టు పట్టి అధిస్టానం తో పోట్లాడి మరీ టిక్కెట్టు తెచ్చాను.మనవాళ్ళందరికీ చెప్పి ఈసారి కొంచెం సాయపడితే తప్పకుండా మళ్ళీ నేనే గెలుస్తాను.మరేం లేదు మనకులం పరువు నిలబడాలి,అదీ పట్టుదల.

నాన్న గురించి బాధపడకు..మహానుభావుడు..చాలాకష్టపడ్డాడు.పాపం ఎంతోమంచివాడు.
అదేమిటో బాబు …భగవంతుడు మంచివాళ్ళనే వేగంగా తీసుకు పోతుంటాడు.ఏం చేస్తాం.. అంతా భగవతుడిలీల..వస్తానుమరి..కొంచెం నామాట గుర్తు పెట్టుకో..”

” మీరు చాల మంచివాళ్ళుసార్..”

— *** —

“మా మంత్రిగారు ప్రజల మనిషి. ప్రజానాయకుడుగా చరిత్రలో నిలిచిపోతారు”. అని అతని అనుచరులు ప్రచారం చేస్తుంటే

“అంతలేదు.. ఎలక్షన్లు దగ్గరకొస్తున్నాయి కదా!..అదీ సంగతి” అని ప్రత్యర్ధులు పెదవి విరుస్తున్నారు.

ఎవరు ఎలా అనుకున్నా మంత్రిగారు మాత్రం ఏ భేషజము లేకుండా అందరి తోనూ మంచిగా మాట్లాడుతున్నారన్నది మాత్రం నిజం.

***

“నమస్కారం సార్..నాపేరు బంగారం.అంబారం గ్రామ సర్పంచిని”.

“ఆ..ఆ..రావయ్య..రా..రా నువ్వు తెలియక పోవడమేమిటి!?చెప్పు..చెప్పు..ఏం పనిమీదొచ్చావ్”?

” సార్ ఈకుర్రాడు బాగా చదువు కున్నాడు.కుటుంబపరమైన యిబ్బందుల్లో ఉన్నాడు.మరీ ముఖ్యంగా మన పార్టీ కార్యకర్త.ఈమధ్య కలక్టరాఫీసులో ఉద్యోగానికై దరఖాస్తు చేసుకున్నాడు.తమరు నాయందు దయుంచి ఆ ఉద్యోగం ఇతనికే వచ్చేటట్టు చూడాలి.ఇతనికి అన్ని అర్హతలు ఉన్నాయి”.రెండు చేతులు తన ఫేంటు జేబులపై వేసి నొక్కి మరీ చెప్పాడు.
“దాందేముంది… అలాగే చూద్దాం”

***

“అయ్యా.. నమస్కారం ,నాపేరు సింగారం.అంబారం గ్రామ ఎం పి టి సి ని”.

“రావయ్యా..రా.రా.. నువ్వు తెలియక పోవడమేమిటి, చెప్పు..చెప్పు ఏం పనిమీదొచ్చావు!?”

” అయ్యా ఈకుర్రాడు బాగా చదువు కున్నాడు.కుటుంబపరమైన యిబ్బందుల్లో ఉన్నాడు.మరీ ముఖ్యంగా మనవాడు. ఈమధ్య కలక్టరాఫీసులో ఉద్యో గానికై దరఖాస్తు చేసుకున్నాడు.తమరు నాయందు దయుంచి ఆ ఉద్యోగం ఇతనికే వచ్చేటట్టు చూడాలి.ఇతనికి అన్ని అర్హతలు ఉన్నాయి”.చేతిలో ఉన్న హేండ్ బేగు ఊపి మరీ చెప్పాడు.

“దాందేముంది… అలాగే చూద్దాం”

***

“సార్ మీరిలా చేస్తారనుకోలేదు”
“ఏం చేసాను బంగారం..!?”
యింకేం చేయాలిసార్, మనపార్టీ కార్యకర్తను కాదని,అవతలి పక్షంకుర్రాడికి ఉద్యోగం యిప్పించారు..”
ఓ అదా ..నిజమే యిప్పించాను.వాడు మన కార్యకర్తకాడు తెలుసును,కాని మనకులపోడయ్యా!..యివాళ కాకపోతే రేపు పార్టీ మారుతాడు.
మరి నువ్వు తీసుకొచ్చిన కుర్రాడో..మనపార్టీవాడే [...]]]> మంత్రి గారి కేంప్ కార్యాలయం.జనం తొ రద్దీ గా ఉంది.అంతకు ముందు ఎవరినీ కలవడానికి యిష్ట పడని మంత్రి గారు ఈమధ్యన కనిపించిన ప్రతివారిని పలుకరిస్తున్నారు.భుజాన చెయి వేసి మాట్లాడుతున్నారు.

“మా మంత్రిగారు ప్రజల మనిషి. ప్రజానాయకుడుగా చరిత్రలో నిలిచిపోతారు”. అని అతని అనుచరులు ప్రచారం చేస్తుంటే

“అంతలేదు.. ఎలక్షన్లు దగ్గరకొస్తున్నాయి కదా!..అదీ సంగతి” అని ప్రత్యర్ధులు పెదవి విరుస్తున్నారు.

ఎవరు ఎలా అనుకున్నా మంత్రిగారు మాత్రం ఏ భేషజము లేకుండా అందరి తోనూ మంచిగా మాట్లాడుతున్నారన్నది మాత్రం నిజం.

***

“నమస్కారం సార్..నాపేరు బంగారం.అంబారం గ్రామ సర్పంచిని”.

“ఆ..ఆ..రావయ్య..రా..రా నువ్వు తెలియక పోవడమేమిటి!?చెప్పు..చెప్పు..ఏం పనిమీదొచ్చావ్”?

” సార్ ఈకుర్రాడు బాగా చదువు కున్నాడు.కుటుంబపరమైన యిబ్బందుల్లో ఉన్నాడు.మరీ ముఖ్యంగా మన పార్టీ కార్యకర్త.ఈమధ్య కలక్టరాఫీసులో ఉద్యోగానికై దరఖాస్తు చేసుకున్నాడు.తమరు నాయందు దయుంచి ఆ ఉద్యోగం ఇతనికే వచ్చేటట్టు చూడాలి.ఇతనికి అన్ని అర్హతలు ఉన్నాయి”.రెండు చేతులు తన ఫేంటు జేబులపై వేసి నొక్కి మరీ చెప్పాడు.
“దాందేముంది… అలాగే చూద్దాం”

***

“అయ్యా.. నమస్కారం ,నాపేరు సింగారం.అంబారం గ్రామ ఎం పి టి సి ని”.

“రావయ్యా..రా.రా.. నువ్వు తెలియక పోవడమేమిటి, చెప్పు..చెప్పు ఏం పనిమీదొచ్చావు!?”

” అయ్యా ఈకుర్రాడు బాగా చదువు కున్నాడు.కుటుంబపరమైన యిబ్బందుల్లో ఉన్నాడు.మరీ ముఖ్యంగా మనవాడు. ఈమధ్య కలక్టరాఫీసులో ఉద్యో గానికై దరఖాస్తు చేసుకున్నాడు.తమరు నాయందు దయుంచి ఆ ఉద్యోగం ఇతనికే వచ్చేటట్టు చూడాలి.ఇతనికి అన్ని అర్హతలు ఉన్నాయి”.చేతిలో ఉన్న హేండ్ బేగు ఊపి మరీ చెప్పాడు.

“దాందేముంది… అలాగే చూద్దాం”

***

“సార్ మీరిలా చేస్తారనుకోలేదు”
“ఏం చేసాను బంగారం..!?”
యింకేం చేయాలిసార్, మనపార్టీ కార్యకర్తను కాదని,అవతలి పక్షంకుర్రాడికి ఉద్యోగం యిప్పించారు..”
ఓ అదా ..నిజమే యిప్పించాను.వాడు మన కార్యకర్తకాడు తెలుసును,కాని మనకులపోడయ్యా!..యివాళ కాకపోతే రేపు పార్టీ మారుతాడు.
మరి నువ్వు తీసుకొచ్చిన కుర్రాడో..మనపార్టీవాడే కాదన్ను,కాని కులమో..పార్టీ మారిపోయినట్టు కులం మారిపోగలడా చెప్పు…?
మరి అదేనయ్యా రాజకీయం,
వేమన్నఏమన్నాడు

కులములోన ఒకడు పవరులోనున్నచో
కులము వెలయు వాడి పవరుచేత

***

“ఏమయ్యా బంగారం…నువ్విలా చేస్తావనుకోలేదయ్యా”
“నేనేంచేసాను సార్ ”
“యింకేం చెయ్యాలయ్య నిళువునా నాకొంప ముంచేసావ్ గదయ్యా!,నువ్వుచెప్పిన కుర్రాడికి ఉద్యోగమిప్పించలేదని పార్టి ఫిరాయించేస్తావా!!.”
“ఓ అదా.. నిజమే సార్, కానీ మా ప్రజలు కార్యకర్తలు అన్నారు’మీకులపోలే పార్టీలు మార్చగలరా!? అని.’
మరి నాకు తప్పలేదుసార్.అయినా మీస్వార్దం మీరు చూసుకున్నారు,నాస్వార్ధం నేనూ చూసులోవాలి గదాసార్.
స్వార్ధానికి కులమేమిటిసార్.అంతా రాజకీయమే.

శిధిలభవంతులు,ఊడలమర్రిలు
మిగలని కారణంగా
భూతాలో దెయ్యాలో నిజంగానే ఉండి
బట్టలు కట్టుకొని మనలోనే తిరుగాడుతూ ఉండవచ్చు
రాతి యుగానికి తాతయుగం నాటి
నరమాంస భక్షకుల డి.ఎన్.ఎ ను
ఏశిలాజం లోనో కనిపెట్టిన
శత్రుదేశపు శాస్త్రవేత్త ఎవడో తిరిగి వారిని సృస్టించి
రహస్యంగా మనమధ్య వదిలివుండవచ్చు
మనం తెలుసుకోలేకపోతున్నాము గాని
మనమధ్యలోనే అమానవులు ఎందరో ఉండి ఉండవచ్చు
బర్డ్ ఫ్లూ, స్వైన్ ఫ్లూ కన్నా ప్రమాదకర వ్యాధి
లవ్ ఫ్లూ
యువ తలల ఆకాశమంతా
నాచు పట్టినట్టు పట్టి ఉండవచ్చు
కారణం ఏమైతే నేమి
ప్రతిరాత్రి పులులు కొండదిగుతున్న వాస్తవం
సగం ఆకాశాన్నిచప్పరిస్తున్న నెత్తుటివాసన
మణిపూరా,అస్సామా,ఆంధ్రప్రదేశా
వాకపల్లి..ఢిల్లీ
ఒక చోటేమిటి
దేశమంతా…
పులుల పాదముద్రల జాడలే
గొడ్డలా
బ్లేడా
యసిడ్ బాటిలా
లాఠీనా..మిలటరీ తుపాకినా
పులికోరకు ఏదోరూపం
ప్రేమికుడా
మొగుడా
ఆగంతకుడా
తండ్రా..కొడుకా
మృత్యువుకు ఏదోవేషం
రాజ్యం అండదండలతో
చెలరేగిన
రాక్షసత్వమో
మతహంకారుల మూఢత్వపు పొగరో
ప్రపంచీకరణచే ఉన్నతీకరించబడిన
అధమత్వపు ఆనవాళ్ళో
ఏవైతేనేం
మరణవాజ్మూలంపై మరకలు మరకలుగా కానవస్తున్నై

నిజం
ప్రజలకు రక్షణలేదు
ప్రభుత్వాలకు దక్షత లేదు
మాఫియానుంచి ప్రజలనకు
మృగాళ్ళ నుంచి స్త్రీలకు
అగ్రవర్ణాలనుంచి దళితులకు
అధికసంఖ్యాకులనుంచి అల్పసంఖ్యాకులకు
ఎప్పుడూ భయం వెంటాడుతునే ఉంటుంది
అదను కోసం మృత్యువు వెంటాడినట్టు
బైకుమీదొచ్చి
బంగారు గొలుసు లాక్కుపోయినంత సుళువుగా
మనుషుల్ని అమాంతంగా ఎత్తుకు పోతున్న [...]]]> అడవులు అంతరిస్తున్న కారణంగా
కౄరమృగాలేవో కొన్ని
మానవాకారంలో
మనమధ్యనే మసలుతూ ఉండి ఉండవచ్చు

శిధిలభవంతులు,ఊడలమర్రిలు
మిగలని కారణంగా
భూతాలో దెయ్యాలో నిజంగానే ఉండి
బట్టలు కట్టుకొని మనలోనే తిరుగాడుతూ ఉండవచ్చు
రాతి యుగానికి తాతయుగం నాటి
నరమాంస భక్షకుల డి.ఎన్.ఎ ను
ఏశిలాజం లోనో కనిపెట్టిన
శత్రుదేశపు శాస్త్రవేత్త ఎవడో తిరిగి వారిని సృస్టించి
రహస్యంగా మనమధ్య వదిలివుండవచ్చు
మనం తెలుసుకోలేకపోతున్నాము గాని
మనమధ్యలోనే అమానవులు ఎందరో ఉండి ఉండవచ్చు
బర్డ్ ఫ్లూ, స్వైన్ ఫ్లూ కన్నా ప్రమాదకర వ్యాధి
లవ్ ఫ్లూ
యువ తలల ఆకాశమంతా
నాచు పట్టినట్టు పట్టి ఉండవచ్చు
కారణం ఏమైతే నేమి
ప్రతిరాత్రి పులులు కొండదిగుతున్న వాస్తవం
సగం ఆకాశాన్నిచప్పరిస్తున్న నెత్తుటివాసన
మణిపూరా,అస్సామా,ఆంధ్రప్రదేశా
వాకపల్లి..ఢిల్లీ
ఒక చోటేమిటి
దేశమంతా…
పులుల పాదముద్రల జాడలే
గొడ్డలా
బ్లేడా
యసిడ్ బాటిలా
లాఠీనా..మిలటరీ తుపాకినా
పులికోరకు ఏదోరూపం
ప్రేమికుడా
మొగుడా
ఆగంతకుడా
తండ్రా..కొడుకా
మృత్యువుకు ఏదోవేషం
రాజ్యం అండదండలతో
చెలరేగిన
రాక్షసత్వమో
మతహంకారుల మూఢత్వపు పొగరో
ప్రపంచీకరణచే ఉన్నతీకరించబడిన
అధమత్వపు ఆనవాళ్ళో
ఏవైతేనేం
మరణవాజ్మూలంపై మరకలు మరకలుగా కానవస్తున్నై

నిజం
ప్రజలకు రక్షణలేదు
ప్రభుత్వాలకు దక్షత లేదు
మాఫియానుంచి ప్రజలనకు
మృగాళ్ళ నుంచి స్త్రీలకు
అగ్రవర్ణాలనుంచి దళితులకు
అధికసంఖ్యాకులనుంచి అల్పసంఖ్యాకులకు
ఎప్పుడూ భయం వెంటాడుతునే ఉంటుంది
అదను కోసం మృత్యువు వెంటాడినట్టు
బైకుమీదొచ్చి
బంగారు గొలుసు లాక్కుపోయినంత సుళువుగా
మనుషుల్ని అమాంతంగా ఎత్తుకు పోతున్న మానవదొంగలు
కార్లు బస్సులు
మనిషిని మానప్రాణాల్నిసరుకులుల్ని చేసి మోసుకు పోతున్న ఘటనలు
మా నవ మస్థిష్కాలు ముదిరి ముదిరి బండరాళ్ళవుతున్న స్థితి
దేశం నిండా
నేను నా దేశాన్ని ప్రేమిస్తున్నాను
అయితే
దేశమేదన్నదే ప్రశ్న
దేశమంటే మనుషులేనని తెలుసుకున్నాక
నేను మనుషుల్లో దేశాన్ని వెతుకుతున్నాను
సరిహద్దులు నదులు కొండలు దేశం కానట్టే
శరీరాలు బట్టలు బంగారాలు మనుషులు కాలేవు కదా
దేశమంటేఅంతరాత్మ అంత:సారం
పోలీసులు మిలటరీయే దేశమని చూపెడుతుంది రాజ్యం
దామిని సాక్షిగా
నేనిపుడు
ఆత్మవిస్వాసమే దేశమని నమ్ముతున్నాను
నగరంలోహఠత్తుగా ఏర్పడిన సముద్రమే దేశమని నమ్ముతున్నాను
నలుమూలలనుంచి ఉప్పొంగిన ప్రవాహం
చలిచీమలు
బతుకు తేనెపట్టు ధ్వంసమైతే
చెలరేగిన సమూహం
తేనెటీగలు
దేశంకాక ఏమవుతాయి
న్యాయం కావాలని నినదిస్తున్న ప్లేకార్డులు
ఆసేతు హిమాచలం
పిడికిళ్ళెత్తిన తరంగాల హోరు
ప్రతి గుండెలోప్రతిద్వనిస్తున్న ఝాంకారం
దేశంకాక ఏమవుతాయి
తీరం గుండెలపై ప్రశ్నిస్తున్న అలలు
ఏక్..దో..తీన్..చార్ బందుకరో అత్యాచార్
పదమూడు రోజులుగా చేసిన పోరాటం
ఫలించక పోవచ్చుగాక
ఒక్కోసారి ఆత్మవిశ్వాసమే ఓడిపోవచ్చుగాక
స్పూర్థినిచ్చిన వ్యక్తులే కనుమరుగు కావచ్చుగాక
స్పూర్థి మాత్రం నిలచే ఉంటుంది కదా
“అమ్మా.. నాకు బతకాలనుంది”అన్న ఆవేదన వెనుక
అమ్మా.. ఈదేశం బతకాల్సిఉంది అన్న ఆశ వినిపించడం లేదా
పులులను నిరోధించాలి
నిర్వ్యాపారమే ఏకైక వ్యాపారం చేసి
మనిషిని వస్తువుగా మార్చిన పాలకుల కపటత్వాన్ని నిరోధించాలి
స్వార్ధపు స్వాముల్నిభూస్వామ్యపు భావజాలాన్ని నిరోధించాలి
మనలోపల వలవేసిమానవత్వాన్ని మొత్తంగా
లాగేస్తున్న విదేశీ కుట్రలను నిరోధించాలి
ఎందుకంటే
ఈదేశం బతకాలి
సమానత్వపు పునాది మీద సహజీవనం వర్ధిల్లాలి