బస్సులన్నీ నా ఇంటిముందే ఆగుతయ్ గానీ
పక్కనున్న దాబాలకే అన్ని కాళ్ళు నడిశేది
ఎవరో ఒకరిద్దరు మా మట్టి చాయ్ కోసమొస్తరు
ఏసీ బస్సులల్ల తిరిగేటోల్లు
మా చాయేందాగుతరని సర్దుకుంటగానీ
ధాబాల సలీంగాని చెమటరాలే చేతుల
కంపుశాయి ఈళ్ళకి ఇంపెట్లయితదో
నాకెంతకీ అర్ధంగాదు

పొద్దుపొద్దుగాల పోరలని పుల్లలేరవంపుత
అవే మా పొయ్యెలిగించేది
బడియాలకొచ్చి ఇంత శాయిదాగివోతరు
మజ్జానం బల్లెనే తింటరుగానీ
పొద్దుమూకేసరికి పొట్టశేతవట్టుకొని
కూసుంటరు నా సుట్టు
సందళవడేసరికి ఓ ఏబైరూపాలన్నా
అమ్మితెనే పొదుగాల పాలకివోను
మాకు నోట్ల గంజినీళ్ళు లేదంటే చాయినీళ్ళు
మా పొయ్యెప్పుడు మంతనేవుంటది
మా కడుపెపుడు కాల్తనేవుంటది

నే మూడు పూటల చాయ్తోనే కడుపునింపుత
నా మొగుని సంపాదన ఆని తాగుడుకేసాలవు
పొద్దంత కాగవెట్టిన చాయి మిగిల్తే కడుపులవోస్త
ముందు పుండ్లువడ్డయి రానురాను రాచపుండయింది
ముందు ఏందింటే అదే కక్కుతుండె
ఇప్పుడు ఏందిన్నా రకతమేగక్కుతున్న
నాలో ఇంత రకతమెక్కడిదో అర్ధమేకాదు

చిన్నప్పుడు పొలంల
ఒకీడుకొచ్చినంక దొరసానింట్ల
పెండ్లయినంక అత్తకింద
పెనిమిటికి పెళ్ళాంగా
పిల్లలకి పాలిచ్చి సాదనీకె
నా రక్తం దారవోస్తనేవున్నగదా
ఇంకా ఏమన్న మిగిలిందేమోనని
నాకీ పాడు రోగమిచ్చిండేమో ఆ దేవుడు
ఈ కడుపుల కేన్సరుకి కూడా
మా గుడిశల ఒకటే మందు
మా మట్టిపొయ్యి చాయే
ినే సచ్చినంక నా నోట్ల తులసినీళ్లువోస్తరో
[...]]]> రోడ్డు మీదవోయేటోల్లంతా మా సుట్టాలే
ఎవరొస్తె ఆళ్ళకు చాయ్ వోస్తం
ఆల్లే మాకు తిండివెట్టేది
ఆరు గజాల గుడిశే మా ఇల్లు
నేను నా మొగుడు ముగ్గురు పిల్లలు
అండ్లనే మా చాయ్ దుకాణం హైవే మీద

బస్సులన్నీ నా ఇంటిముందే ఆగుతయ్ గానీ
పక్కనున్న దాబాలకే అన్ని కాళ్ళు నడిశేది
ఎవరో ఒకరిద్దరు మా మట్టి చాయ్ కోసమొస్తరు
ఏసీ బస్సులల్ల తిరిగేటోల్లు
మా చాయేందాగుతరని సర్దుకుంటగానీ
ధాబాల సలీంగాని చెమటరాలే చేతుల
కంపుశాయి ఈళ్ళకి ఇంపెట్లయితదో
నాకెంతకీ అర్ధంగాదు

పొద్దుపొద్దుగాల పోరలని పుల్లలేరవంపుత
అవే మా పొయ్యెలిగించేది
బడియాలకొచ్చి ఇంత శాయిదాగివోతరు
మజ్జానం బల్లెనే తింటరుగానీ
పొద్దుమూకేసరికి పొట్టశేతవట్టుకొని
కూసుంటరు నా సుట్టు
సందళవడేసరికి ఓ ఏబైరూపాలన్నా
అమ్మితెనే పొదుగాల పాలకివోను
మాకు నోట్ల గంజినీళ్ళు లేదంటే చాయినీళ్ళు
మా పొయ్యెప్పుడు మంతనేవుంటది
మా కడుపెపుడు కాల్తనేవుంటది

నే మూడు పూటల చాయ్తోనే కడుపునింపుత
నా మొగుని సంపాదన ఆని తాగుడుకేసాలవు
పొద్దంత కాగవెట్టిన చాయి మిగిల్తే కడుపులవోస్త
ముందు పుండ్లువడ్డయి రానురాను రాచపుండయింది
ముందు ఏందింటే అదే కక్కుతుండె
ఇప్పుడు ఏందిన్నా రకతమేగక్కుతున్న
నాలో ఇంత రకతమెక్కడిదో అర్ధమేకాదు

చిన్నప్పుడు పొలంల
ఒకీడుకొచ్చినంక దొరసానింట్ల
పెండ్లయినంక అత్తకింద
పెనిమిటికి పెళ్ళాంగా
పిల్లలకి పాలిచ్చి సాదనీకె
నా రక్తం దారవోస్తనేవున్నగదా
ఇంకా ఏమన్న మిగిలిందేమోనని
నాకీ పాడు రోగమిచ్చిండేమో ఆ దేవుడు
ఈ కడుపుల కేన్సరుకి కూడా
మా గుడిశల ఒకటే మందు
మా మట్టిపొయ్యి చాయే
ినే సచ్చినంక నా నోట్ల తులసినీళ్లువోస్తరో
లేక నా మట్టిపొయ్యి చాయే వోస్తరో…. ప్చ్!!!