బత్కు నీళ్లసుక్క
గడియల్నే ఆవిరైపోతది
ఇద్దరి నడ్మ ఊపిరి సెగలు
పొగలు గక్కినపుడు.
మబ్బుల్నే నడిసొచ్చే ల్యాత ఎండపొడ లెక్క
నిప్పుల తట్టల్ని మోసే పగటాల్ల లెక్క
సల్లని మాపటాల్ల లెక్క
గాయిగాయి తిరిగే రాతిరి గాలి లెక్క
మూసిన గుప్పిట లెక్క
గుడ్లకాయ బుక్కనిండ పోసుకున్నప్పుడు మర్రని నాల్కె లెక్క
కొచ్చెని ముల్కు అరికాళ్లల్ల దిగబడ్డప్పుడు సమ్మని మూల్గులెక్క
కోపంలో మందలిత్తె
పచ్చగడ్డి భగ్గుమన్నట్టు
ప్రేమతో కావలిత్తె
ఎన్నముద్ద కరిగినట్టు
ఏ గడియకు ఆ గడియ
షానా కొత్తగా… షాన్ గ
ఆత్రంగ ఆవురావురుమన్నట్టుంటది
ఆమెతో… ఆ ముత్తెంతసేపు.
స్వీట్ పోయెమ్. గుడ్లకాయ అంటే వేరుశెనగనా?
THANKS U SIR
గింజలు నిండుగున్న కాయలేవైనా
గుడ్లకాయంటరు
శనక్కాయ,షిమషింతకాయలు మొ||
కవిత బాగుంది.తెలంగాణ మాండలికం లో ఒక వ్యక్తిగత్ అభివ్యక్తీకరణ . భాష భావం సరిగ్గా కుదిరింది రాజ్కుమార్ కి అభినందనలు
కృతజ్ఞతలు యాకూబ్ రెడ్డి గారు
ముత్యంతల్నే మెుత్యం జెప్పినవన్న