పానం వున్నా కొన్ని వస్తువులకు ఫకరుండదు
మనిషి వస్తువుగా మారినంక
వస్తువు మనిషిపై పెత్తనంజేత్తున్నదన్క
మనిషి వస్తువుగా మారినంక
వస్తువు మనిషిపై పెత్తనంజేత్తున్నదన్క
గలగలలాడే చెల్లని సత్తుపైసల గొంతుకలు మూగబోతయి
కళకళలాడే రూపాయిని గతచరిత్రపు పునాదులపై నిల్పి పట్టంగట్టినంక
అంతర్జాతీయ అంగట్లో మారకపు మాంజాతో కరెన్సీ నోట్ల పతంగిని ఎగరేషినంక
నిండైన నీళ్లపట్వలు పటుక్కున పల్గిపోతయి
బతుకంటే పల్గిపోయే నీటిబుడగలని ఎరుకైనంక
గోసలువడ్డ పెయిల మబ్బులపిట్టలు రెక్కల్నిసాపి ఎగిరిపోయినంక
తరతరాల ఆలోచనల గూనపెంకలు ఇరిగిపోతయి
ఇత్తునం బద్దలయ్యే సప్పుడుతో నరాలు చిట్లినంక
షిలుంబట్టిన నెత్తురు నొసట్ల తిలకంబొట్టుబెట్టినంక
మంచిగుంది కైత రాజ్ కుమార్ గారు
కృతజ్ఞతలు రవీందర్ గారు