కవిత్వం

పక్షుల భాష

డిసెంబర్ 2016

క్షులు మాట్లాడుతున్నప్పుడు
గాలిలో ఎగురుతున్నట్టు
ఒంటి కాలి మీద తపస్సు చేస్తున్నట్టు
నీళ్ళల్లో ముక్కు పెట్టినట్టు
చేపను ముక్కున పట్టుకున్నట్టు
నీకు కనిపిస్తుంది
దృశ్యం అదృశ్యంగా సంభాషిస్తుంది

సముద్రపు లోతును గూర్చి
లోపలి సుడిగుండాల గూర్చి
బడబానలాల వ్యాప్తిని గూర్చి
తుఫాను కేంద్రకం గూర్చి
నీకు వినిపిస్తుంది
శబ్దం నిశ్శబ్దాన్ని చెవిలో ఊదిపోతుంది

అడవుల పచ్చదనమైనా
పచ్చటి ఆకులు రాలడమైనా
మోదుగు చెట్లు తగలబడడమైనా
పొగ సంకేతం కావడమైనా
నీకు తెలుస్తుంది
జ్ఞానం తెలియని జ్ఞానాన్ని దాటిపోతుంది

***

పక్షులు ఎగరడం వినోదం కోసం కాదు
పక్షులు మాట్లాడడం వినోదం కోసం కాదు
పక్షులు స్వేచ్చను కోరడం వినోదం కోసం కాదు

భాష నీకు భావ చిత్రం
భాష నీకు శబ్ద చిత్రం
భాష నీకు జ్ఞాన చిత్రం
కానీ,
పక్షులు మాట్లాడుతున్న భాష
హృదయ చిత్రం



7 Responses to పక్షుల భాష

  1. December 1, 2016 at 7:24 pm

    బాగుంది

  2. Vilasagaram Ravinder
    December 1, 2016 at 10:19 pm

    Bagundi pakshula bhasha

  3. December 3, 2016 at 10:09 am

    ‘పక్షులు మాట్లాడుతున్న భాష హృదయ చిత్రం’
    ఓహ్ అద్భుతం ఈ వాక్యం . మంచి కవిత
    కైపు ఆది శేషా రెడ్డి

  4. daasaraju ramarao
    December 20, 2016 at 7:46 pm

    పదాల పోహళింపు బాగుంది.

  5. narayana sharma
    February 6, 2017 at 6:35 am

    చాలా బాగుంది మిత్రమా

  6. jawaharlal
    February 4, 2021 at 10:08 am

    wonderful

  7. jawaharlal
    February 4, 2021 at 10:08 am

    baagundi

Leave a Reply to satyasrinivas Cancel reply

Your email address will not be published. Required fields are marked *

*

Enable Google Transliteration.(To type in English, press Ctrl+g)