కవిత్వం

వలస

28-జూన్-2013

1
అనేకానేక గుప్త నిశ్శబ్దాలతరువాత
మాటలు అస్తి పంజరాలయ్యాక
ఓ మేఘంకింద తడవడానికి
మట్టై నా గుండె పరిగెడుతున్నప్పుడు
నేనూ వెనకాల దొర్లుకుంటూ వెళతాను

2
కొమ్మలు చెట్టుమొదలుతాకి నమస్కరించినట్టు
పూలు చెట్టుపాదాలపైవాలి పూజించినట్టు
ఎదురు చూపుల వత్తులేసుకుని
రాత్రులై తపిస్తున్న
కళ్ల పాదాల ముందు నాచూపుల్నిజల్లుతాను

3
దూరాన్ని ఏ ప్రమాణంతో కొలుస్తాం
చూపుకి దగ్గరలేనందుకో
మనసుకి దూరంలేనందుకో
వలస సెగ్గడ్డలా సలుపుతుంది
ఏదో ఒక శూన్యం అస్పష్టచిత్రాలని
ఆప్టిక్ నాడిలా మోసుకొస్తూనే ఉంటుంది

4
నేను సన్నివేశంలో లేకుండానే
నేను సందర్భంలో లేకుండానే
నాలుకకి ముల్లుగుచ్చినట్టు వణికిపొతుంటాను
గుడ్డితనం ఆవహించి కళ్లు తెరచి చూడ్దం సంతృప్తో కాదో
ధ్యానం పగిలిపొయి కళ్లుమూసుకొని చూడ్డం సంతృప్తో కాదో
ఇప్పుడు పీడిస్తున్నది దూరమ్మాత్రమేనా??

5
ఇంట్లోకి వెళ్లి పుప్పొడిని పులుముకుని
పద్మపీఠంపై రెమ్మల రెప్పల్నికప్పుకుని
నిద్రననుభవిస్తానా
మళ్లీ శూన్యమే ఓ సుడిగాలిలా
నన్ను ముక్కలుచేస్తూ.. ..

6
ఒకరోజు వెలుగు చేజారిపొయి చీకటి కొత్త ఉదయం మళ్లా.. ..
నన్ను హృదయాన్నించి చీల్చి
దూరం చేస్తున్న హైనా పళ్లసందుల్లోంచి
నేను నెత్తినోరుమొత్తుకుంటాను.



5 Responses to వలస

  1. June 28, 2013 at 9:13 pm

    Very nice ones…..2nd one is too good!

  2. June 28, 2013 at 10:40 pm

    నారాయణ శర్మ గారూ!
    మీరు ఓ మంచి కవి కూడా అని తెలియజేసే కవిత యిది. బాగుంది.

  3. m.naaraayana sarma
    June 30, 2013 at 7:44 am

    thaank uమోహన తులసి గారు,ఎలనాగ గారు…నిజమే ఎక్కువగా కవిత్వం రాయలేదు..ఈ మధ్యే కొన్ని రాసాను

  4. July 4, 2013 at 12:06 pm

    very good poems!!

  5. July 5, 2013 at 9:35 am

    Wonderful Narayana Sharma garu.kavitha chaalaa bagunnadi.Nagaraju Ramaswamy.

Leave a Reply to Nagaraju Ramaswamy Cancel reply

Your email address will not be published. Required fields are marked *

*

Enable Google Transliteration.(To type in English, press Ctrl+g)