నువ్వు నిద్రించక చాలా కాలమయ్యింది కదూ
ఒక శరీరం నీ మీద కప్పబడినప్పుడు
అలిసిపోయిన రెప్పల వెనుక
నువ్వెంత కాలం మెలుకువగా ఉంటావు
***
దోసిళ్ళతో వెలుగు పువ్వులను పట్టుకొని
కొన్ని నవ్వులను బాల్యం నుండి పిండుకొని
తెల్లని కడిగిన కళ్ళతో నువ్వు ప్రకాశిస్తూ
ఏదో ఒక దుప్పటి క్రింద కాదు
నువ్వు అపరిమితంగా ఆ చల్లని గాలిలా వ్యాపించి
వెన్నలవై రాత్రి మీద నిద్రించు
***
గాలి తాకిడికే తేరి చూచే కన్నులు
నిదురించేదేపుడు కలలు కనేదెపుడు
విడుస్తున్న శ్వాసలో నీది కానిది వదులుతూ
నీలో ఒక శూన్యాన్ని పాన్పుగా పరుచుకో
***
చివరిగా ఒక మాట
మనసుకు నిదుర రాదు
నువ్వే నేర్పాలి
మనసుకు నిదుర రాదు… నిజమే..!!
నీలో ఒక శూన్యాన్ని పాన్పుగా పరుచుకో…..,నీ పదాలు నీకే అప్ప చేపుతున్నానని అనుకోకపోతే ఎక్కడ నేర్చావీ భాష ని ..వెన్నెలవై రాత్రి పై నిదురించు …