కవిత్వం

సరిపెట్టుకుంటాను

ఫిబ్రవరి 2015

కొన్ని కొన్నిసార్లు
నువ్వలా నడిచి వస్తుంటావు నాలోకి
ఒక గాలి తెమ్మెరలానో
పల్చటి నీరెండలానో
కూతపెట్టుకుంటూ రైలుబండి
స్టేషనులోకి వచ్చినట్టు

నీలిమేఘమై తేలుతూ వచ్చి
కొన్ని తేనెచినుకులు చిలకరించి వెళ్లిపోతావు
బ్రతుకంతా సేదదీరడానికి
కడలికెరటంలా మెల్లగా వచ్చి
పాదాలు స్పృశించి వెళ్లిపోతావు

బయటో లోపలో నాలో నేను నిలబడి
అవతలి తీరాన్ని సర్దుతుంటాను
నాలో నుండి నన్ను ఎత్తిపోసుకుంటాను
కళ్లలోకి కొన్ని కలలను కుప్పచేసుకుంటూ
గూళ్లుగా కట్టుకుంటుంటాను.



2 Responses to సరిపెట్టుకుంటాను

  1. February 8, 2015 at 11:12 am

    బాగుంది మేడం గారు…

  2. Dr.Vijaya Babu,Koganti
    March 1, 2015 at 10:18 am

    “బయటో లోపలో నాలో నేను నిలబడి
    అవతలి తీరాన్ని సర్దుతుంటాను
    నాలో నుండి నన్ను ఎత్తిపోసుకుంటాను
    కళ్లలోకి కొన్ని కలలను కుప్పచేసుకుంటూ
    గూళ్లుగా కట్టుకుంటుంటాను.”
    శైలజ గారు , మీ కవిత బాగుంది.
    అభినందనలు.

Leave a Reply to nmraobandi Cancel reply

Your email address will not be published. Required fields are marked *

*

Enable Google Transliteration.(To type in English, press Ctrl+g)