తడిసిన రాత్రి గడిచిపోయింది
నేను అదే తోటలో మరో కొమ్మకు వ్రేలాడుతున్నాను
నిన్నటి రంగులనే ఆకాశం మరలా పులుముకుంది
లోలోపలికి
వెలుతురు చొచ్చుకుపోతున్న నొప్పి
రహస్యంలో దాచినవేవో
కన్నులు దాటి జారిపోతున్నాయి
నేను తప్ప అన్నీ పుష్పించాయి
ఆ పాట వినబడుతూవుంది…
***
పదే పదే మనసును తడుతున్న చప్పుడు
తెరిచే ఓపిక లేక కూలబడిపోయాను
పువ్వులన్నీ వాడిపోయాక
ఏవరో ఈ తోటను కాల్చివేసారు
నడిచిన పాదాల గుర్తులు మాత్రం
ఆ మసిలో వెలుగుతున్నాయి
అదే పాట వినబడుతూవుంది…
***
మరో తోటలో
ఆ పాట వినబడుతూనేవుంది…
పువ్వులన్నీ వాడిపోయాక
ఏవరో ఈ తోటను కాల్చివేసారు
నడిచిన పాదాల గుర్తులు మాత్రం
ఆ మసిలో వెలుగుతున్నాయి
చాల నచ్చింది సర్..
థాంక్స్ వర్మ గారు
Eppatlaage.. Adbhutam.. Manasuni taaki kallanundi jaarutundi bhaavamm.. Maro totalo AAA pasta vinabadutoone undi.. Waahh.. Tnx vaakili sahitya patrikaku.. Serious gaa serial gaa raayandi Chand usmangaaru.. Manchi bhavishyat undi Mee kalaaniki raabovu kaalamlo.. Mee Abhimaani.. Kasthuri Anuradha Ammu..