ఊరిని చూస్తే ఊరిని చూసినట్టు లేదు
ఇంకాసేపట్లో ఖాళీ చేసి వెళ్లిపోనున్న బిడారును చూసినట్టుంది
అడివిని చూస్తే అడివిని చూసినట్టు లేదు
చట్టవిరుద్ధంగా పత్రహరితం దాచుకున్న దొంగను చూసినట్టుంది
మనిషిని చూస్తే మనిషిని చూసినట్టు లేదు
ఆకారం పొందిన ఖాళీతనాన్ని, అంగీకృత ఓటమిని చూసినట్టుంది
తోటలో
సీతాకోక చిలుకలుగా మారలేని తిండిపోతు గొంగళి పురుగులు
కావిలించుకోవాల్సిన దేహాల మీద సందేహాల తుమ్మ పొదలు
నాల్కల మీద పదును దేరిన ముళ్లు లేదా వలల తాళ్లు
గాలిలో ప్రయాణం
అడుగు తీసి అడుగేయడానికి కాస్త నేల వుంటే బాగుండు
ఆసరా లేదెలాగూ
అసూయ పడ్డానికైనా కొందరు మనుషులుంటే బాగుండు
మనిషిని చూస్తే మనిషిని చూసినట్టు లేదు
ఆకారం పొందిన ఖాళీతనాన్ని, అంగీకృత ఓటమిని చూసినట్టుంది…బాగుంది. క్లుప్తత, సాంద్రత నిండిన మంచి కవిత.
గాలిలో ప్రయాణం
అడుగు తీసి అడుగేయడానికి కాస్త నేల వుంటే బాగుండు
ఆసరా లేదెలాగూ
baagundi
అసూయ పడ్డానికైనా కొందరు మనుషులుంటే బాగుండు – wonderful poem sir
excellent poem –hrk garu
———————
buchi reddy gangula
inta spastangaa kadilinche vidhangaa poem adee hrk gari nundi ravadam bagudi. very good poem sir
super sir…
పరాయికరణ దృశ్యానికి సజీవ అక్షర చిత్రం మీ పోయెం …
హెచ్చార్కె గారికి అభినందనలు. దాసరాజు రామారావు.
మీకవిత్వం కా(క)ళ్ళకడ్డంపడినప్పుడు చూసీచూడనట్లు వెళ్ళిపోవటం జరగలేదింతవరకూ హెచ్చార్కె గారు.వాక్యాల్లొ విరుపు అందరికీ సాధ్యంకాదు.ఆ విరుపులొ ఏదోమత్తుమందు చల్లినట్లు నడిపించుకెళ్తారు.పైడ్ పైపర్ లాగా.ఇది మరో ఉదాహరణ మాత్రమె.”అసూయ పడ్డానికైనా కొందరు మనుషులుంటే బాగుండు” ఇదొక్కటీ చాలు ఇప్పటికి.క్యుడోస్
తోటలో
సీతాకోక చిలుకలుగా మారలేని తిండిపోతు గొంగళి పురుగులు
కావిలించుకోవాల్సిన దేహాల మీద సందేహాల తుమ్మ పొదలు
నాల్కల మీద పదును దేరిన ముళ్లు లేదా వలల తాళ్లు….మనుషల హిపొక్రసిని చాలా బాగా వర్ణించారు.
@వాసుదేవ్ గారు … హెచ్ ఆర్ కె కవిత్వం చదవడం ఒక గొప్ప అనుభవం….ఆయన కవిత కనిపిస్తే, చదవకుండా ముందుకు వెళ్ళడం సాధ్యం కాదు…
అవునంతా అయిపోయినట్టే ఉంది. అంతా పోయాక అసూయ పడేవాడు మాత్రం ఎక్కడ దొరుకుతాడు, మీ అపోహే గానీ!
‘సీతాకోక చిలుకలుగా మారలేని తిండిపోతు గొంగళి పురుగులు’ చాలా బావుంది హెచ్చార్కె గారూ!
రాజా.
kavitha adbhutham garu gaaru….