హఠాత్తుగా
ఏదో పేజీ దొరుకుతుంది
నన్ను నేను చదూకుంటా
బోర్లించిన పుస్తకంలోంచి
సంగతుల్ని దొర్లిస్తూ నిశ్శబ్ధం
మదిని వడకట్టేస్తూ వేళ్ళ చివర్లు
ఇంకేం రాయను ఈ క్షణం మీద
కొన్ని క్షణాలు రచింపబడవు !
అయినా రాయడానికేదో ఉంది
పగలు-భూమి-నిజమే కాకుండా
రాత్రి-ఆకసము-ఊహే కాకుండా ఏదో వుంది…
బరువైన రేయి రెప్పల్లో జారే
రెండవ జాములో
తలకిందులవుతున్న లోకంలాంటిదేదో…
వేవేల కిరణాలోకేసారి విడుదలయ్యే తీరులో
జననమరణంలాంటిదేదో…
మళ్ళీ వెళ్ళొద్దామనుకుంటూ
వెనక్కి తిరక్కుండానే తిరిగొచ్చేసిన దారిలో
ఒక జీవిత పయనంలాంటిదేదో…
ఏదో వుంది…
అది గమ్యమైతే కాదు
అందుకునే రాగం కన్నా
రాయాలనుకునే భావం కన్నా
అద్భుతమైన ఆరా ఏదో వుండే వుంటుంది
ఎటు నుండో రాలే రహస్య చినుకులా
తెల్లారితే మరపుకొచ్చే ఒక నిశీధి తలపులా !
ఎప్పటికీ అలానే ఉండిపోయే
అది ఒక మాటో, మరి పాటో!
Painting: Mandira Bhaduri, University of Chicago.
మోహన తులసి గారి బ్లాగు: http://vennela-vaana.blogspot.com/
Just was contemplating these words and here they are in the mirror. Nice.
సూపర్ తులసి గారు.
‘అందుకునే రాగం కన్నా
రాయాలనుకునే భావం కన్నా
అద్భుతమైన ఆరా ఏదో వుండే వుంటుంది
ఎటు నుండో రాలే రహస్య చినుకులా
తెల్లారితే మరపుకొచ్చే ఒక నిశీధి తలపులా !’
-ఇక మాట్లాడెందుకేంముంది!
చాలా చాలా అద్భుతం గా వుందిమోహన తులసి గారూ !
అభినందనలు!
అయినా రాయడానికేదో ఉంది
పగలు-భూమి-నిజమే కాకుండా
రాత్రి-ఆకసము-ఊహే కాకుండా ఏదో వుంది…
బరువైన రేయి రెప్పల్లో జారే
రెండవ జాములో
తలకిందులవుతున్న లోకంలాంటిదేదో… కొన్ని క్షణాలు రచింపబడవు చిత్రింపబడతాయిలా.. చాలా బాగుంది తులసీగారు..
నిజమే, కొన్ని క్షణాలు రచింపబడవు!
“పగలు-భూమి-నిజమే కాకుండా
రాత్రి-ఆకసము-ఊహే కాకుండా ఏదో వుంది…”
“ఏదో వుంది…
అది గమ్యమైతే కాదు.”
బాగుంది మోహన తులసి గారు. అభినందనలు!
చిక్కని గాఢమైన భావుకత్వానికి మీ కవిత్వమెప్పుడూ ఓ చిరునామా……మళ్ళీ మరోసారి…మమ్మల్ని నిరుత్సాహపర్చకూండా…లవ్లీ పోయెమ్. ముఖ్యంగా “కొన్ని క్షణాలు రచింపబడవు !” మీ సిగ్నేచర్ ఎక్స్ ప్రెషన్. మీ కవిత్వం చదవడమెప్పుడూ ఓ అనుభూతే.దాన్ని వదులుకునే ప్రయత్నం చెయ్యను.కానీ మీ కవిత వచ్చినట్టు తెలియకపోవటమే ఆలస్యాని కారణం.
మోహన తులసి గారూ,
ఎంత అందంగా ఉందండీ ఈ కవిత! గుండెగొంతుకలో కొట్టాడినపుడు పడే ఆరాటాన్ని, మనసులోనే వెన్నాడే కనీ కనిపించని వెలుతురుజాడని బాగానే పట్టేరు.
మనఃపూర్వక అభినందనలు.
చాలా బాగుంది .
తులసి గారు .. చాల బావుంది.
మీ కవితలని చదువుతూ కాసేపు కాలాన్ని మర్చిపొవటం అధ్బుతమైన అనుభవం.
తులసి గారూ:
“హటాత్తుగా ఒక పుస్తకంలోని” ఒక పేజీ చదివే అనుభూతి నించి ఎంత దూరం తీసుకువెళ్ళారో కదా ఆ భావనని!
అచ్చమయిన భావుకత ఒక గట్టి అంశం అయితే, ఆ భావుకతని చెప్పడానికి ఎంచుకున్న పదాలు ఇంకో ఎత్తు. ఈ కవితలో ఆ భావాల మధ్య ప్రయాణం నాకు ఎంతగానో నచ్చింది. అలాగే, ఆ భావాలని ఒక వరసలో చెప్పుకుంటూ పోవడం వల్ల కవిత సరళమయింది, అర్థం చేసుకోవడానికి దారి సుగమమైంది.
మీరు ఎంతవరకు గమనించుకున్నారో నాకు తెలియదు కాని, గతంలో మీరు రాసిన కవితల కంటే భావనాపరమయిన heights లో ఈ కవిత మిమ్మల్ని ఇంకొక మెట్టు పైకి తీసుకు వెళ్లిందని నేను అనుకున్నాను.
ఉదాహరణకి:
పగలు-భూమి-నిజమే కాకుండా
రాత్రి-ఆకసము-ఊహే కాకుండా ఏదో వుంది…
బరువైన రేయి రెప్పల్లో జారే
రెండవ జాములో
తలకిందులవుతున్న లోకంలాంటిదేదో…
వేవేల కిరణాలోకేసారి విడుదలయ్యే తీరులో
జననమరణంలాంటిదేదో…
మళ్ళీ వెళ్ళొద్దామనుకుంటూ
వెనక్కి తిరక్కుండానే తిరిగొచ్చేసిన దారిలో
ఒక జీవిత పయనంలాంటిదేదో…
ఆ మొత్తం పంక్తులు నేను కనీసం ఐదారుసార్లు నాకు తెలియకనే చదువుకుంటూ వెళ్ళిపోయాను.
ఏదో వుంది…
అది గమ్యమైతే కాదు
అనడంతో ఆ భావన మరో ఎత్తుని అందుకుంది. కవిత్వం తాత్వికతని ఎంతవరకు చెప్తుందో చెప్పలేం. ఎందుకంటే, తాత్వికులు చేయాల్సిన పనులు వేరే వున్నాయి కాబట్టి – కాని, తాత్వికత కప్పేసిన ఉద్వేగాలను కవిత్వం బయటికి తీసుకువస్తుందని, ఆ ఉద్వేగాల వ్యక్తీకరణ ద్వారా జీవన తత్వాన్ని కవిత్వం ఆవిష్కరిస్తుందని పెద్దలు చెప్పి వున్నారు. ఇప్పుడు మీ కవిత చదువుతున్నప్పుడు నాకు అది కొంచెం స్పష్టంగా గోచరమయింది.
ఇంక–ముగింపు కి వచ్చేసరికి
ఎప్పటికీ అలానే ఉండిపోయే
అది ఒక మాటో, మరి పాటో!
ఒక తాత్విక ఎత్తుకి తీసుకు వెళ్లి, తిరిగి ఆ ఉద్వేగంలోకి, పూర్వపు అనుభూతికి తిరుగు ప్రయాణం చేయించారు చివరలో! నాకు బాగా నచ్చింది అదే!
తులసి గారూ, మీ కవిత్వ ప్రయాణంలో ఈ కవిత మంచి టర్నింగ్ పాయింట్ అని నాకు అనిపించింది చదివిన తరవాత! ఈ టర్న్ యూటర్న్ కాకూడదని, ముందుకు వెళ్లాలని, మీ గమ్యం మీరు చేరుకోవాలని, ఆ దారిలో మరి కొన్ని కవితలుగా మీరు మాకు తారసపడుతూ వుండాలని మీ అభిమానిగా కోరుకుంటున్నాను.
బరువైన రేయి రెప్పల్లో జారే
రెండవ జాములో
తలకిందులవుతున్న లోకంలాంటిదేదో….
వేవేల కిరణాలొకే సారి విడుదలయ్యే తీరులో
జననమరణం లాంటిదేదో….
ఒక్క బరువైన పదాన్ని కూడా వేయకుండా ఎంత హృద్యంగా చెప్పారు!
బాగుంది మోహన తులసి గారూ! కంగ్రాట్స్.
మీ పద్దతిలో చెప్పాలంటే…అనుభూతిస్తున్న కొన్ని క్షణాలు ఇంతకన్నా రాయలేవు… let me feel…
ఇస్మాయిల్ గారు
నా కవితల లింక్స్ FB లో పోస్ట్ చేసి, నేను చూడకపోయినా మీ పోస్ట్స్ ద్వారా నాకు తెలియజేసి ప్రోత్సహిస్తున్నందుకు…Thank you so much!
కిరణ్ గారు
మీ సూపర్ స్టాంపు పడిందంటే , నా భుజం నేను తట్టుకోవచ్చు
దమయంతి గారు
చాలా ధ్యాంక్సండి మీ మంచి మాటకి.
కెక్యూబ్ వర్మ గారు…ధన్యవాదాలు…బాగుంది మీ మాట ‘కొన్ని క్షణాలు రచింపబడవు చిత్రింపబడతాయిలా’
రచిత గారు …Thank you so much!
వాసుదేవ్ గారు
చక్కని మీ కామెంట్ చదవడం కూడా ఒక మంచి అనుభూతి…Thank you!
మూర్తి గారు
ఒక్క లైను కామెంట్లో కవిత సారాన్ని పెట్టారు
Chaitanya…Thank you so much!
Jyothi – Thanks buddy. You always read my writings and you convey your feel. It means a lot to me.
రవికిరణ్ గారు
ఈ విశ్లేషణని సమయం తీసుకుని చక్కగా విశదీకరించినందుకు చాలా ధ్యాంక్సండి.
మీ కామెంట్ చదివాకా, కవిత రాశాకా అందులో కవిత్వం, తాత్వికత,ఉద్వేగం,వ్యక్తీకరణ, జీవన తత్వం – ఇన్నేసి అంశాలను పరికించి చూడొచ్చని అర్ధమయింది.
మనస్పూర్తిగా ఇంకో మాట….మీరు చెబుతుంటేనే నాకు అర్ధమవుతుంది నా కవిత గురించి నాకు ఇంకోసారి….మరియు కవిత్వ పయనం గురించి.
తప్పకుండా మరిన్ని కవితలు రాస్తానని చెబుతూ…మీ అభిమానానికీ, ప్రోత్సాహానికి మరోసారి ధన్యవాదాలు…!
Elanaaga gaaru and Padmakar garu – Thanks a lot
రవికిరణ్ గారు,
అద్భుతమైన విశ్లేషణ!!!
తులసి గారు,
సరళమైన పదాల్లో గాఢమైన భావసౌందర్యాన్ని గుప్పించి, సున్నితమయిన అనుభూతులను పలవరించే మీ కలం నుంచి మరిన్ని మంచి కవితలు జాలువారాలని కోరుకుంటూ…
-రవి వీరెల్లి
ఇంత మంచి కవిత చదివాక మాట్లాడటానికేముంటుంది? ఈ క్షణాల్నీ, ఈ అనుభూతుల్నీ ఈ రోజు పేజీలో చిక్కటి సిరాతో లిఖించేసుకోవడం తప్ప! ఆసాంతం ఎంత హాయి గొల్పుతాయో నీ కవితలు. జోహార్ తులసి.
తులసి గారు, అలతి పదాలతో ఇంతందంగా వ్రాయడం మీకే చెల్లు. స్మైల్ కవిత్వానికి మీరొక కొత్త చిరునామాలా అనిపిస్తూంటారు. ఆశ్చర్యపరుస్తూంటారు కూడా..థాంక్యూ!
పైన మిత్రుల వ్యాఖ్యలతో ఈ కవితలో కొత్తందాలు కనపడుతున్నాయి కూడా!
గుల్జార్ గుర్తుకొచ్చాడు.
రవిగారు
Thank you !
మీ కామెంటంత అందంగా వుందా నా కవిత అనే అనుమానమొస్తుంది
Pras….Your comments are always heart felt…Thanks ya!
మానస గారు
నాకు తెలీదిప్పటి వరకు…మీరు నా కవితలు చదువుతారని…స్మైల్ గారితో పోలిక…లేదండి. But I take it as honor and inspiration. Thank you!
మహేష్ జీ
అందుకునే రాగం కన్నా
రాయాలనుకునే భావం కన్నా
అద్భుతమైన ఆరా ఏదో వుండే వుంటుంది – yes
చాలా బాగుందండీ.
“..కొన్ని క్షణాలు రచింపబడవు !”
అంటూనే అద్భుతంగా నిర్వచించావు!!
నీ ” మా ఇంటి గుమ్మంనించీ పెరట్లోకి వెళ్ళడానికి సూర్యుడు పగలంతా ప్రయాసపడతాడు.” చదివినప్పటి మాటలకందని అనుభూతి మళ్ళీ ఈ కవితతో కలిగింది!
LOVED IT!!!
బోర్లించిన పుస్తకంలోంచి
సంగతుల్ని దొర్లిస్తూ నిశ్శబ్ధం
మదిని వడకట్టేస్తూ వేళ్ళ చివర్లు
ఇంకేం రాయను ఈ క్షణం మీద
ఒక విధమైన మార్మికతను ధ్వనిస్తున్న పంక్తులు. చక్కని అనుభూతి, అంతకన్నా చక్కని దృశ్యాన్ని ఆవిష్కరిస్తున్నాయి. ఎటు నుండో రాలే రహస్య చినుకులా … ఒక ఆలోచన చదువరిని కమ్ముకుంటుంది. చాలా బాగా రాశారు.
చాలా బాగుంది తులసి గారు. స్పందించిన ప్రతోక్కరి స్పందనతో ఏకీభవిస్తూ …. మరిన్ని కవితలు మీనుండి ఆశిస్తూ
హఠాత్తుగా
ఏదో పేజీ దొరుకుతుంది
నన్ను నేను చదూకుంటా
బోర్లించిన పుస్తకంలోంచి
సంగతుల్ని దొర్లిస్తూ నిశ్శబ్ధం
మదిని వడకట్టేస్తూ వేళ్ళ చివర్లు
ఇంకేం రాయను ఈ క్షణం మీద
జ్ఞాపకాల్లోకి కాలుజారి … కాసేపు అలాగే ఉండిపోయి ..కంటి చివరి చెమ్మని దాచేస్తూ ఇంకొద్ది సేపు నిద్ర ని ఓడిస్తూ…ఇలా ఎన్నో గుర్తు చేసేసారు . అందంగా అలవోక గా పదాల్ని గుమ్మరించారు సర్
Thank you everyone …it is so much pleasure and inspiration from you all !
మోహనతులసి గారు, మీరు వ్యక్తీకరణలో జేమ్స్ బాండ్. రాసిన దానినే కాదు, రాయకుండా దాచిన దాన్ని కూడా చదువరుల అనుభూతికి వచ్చేలా మేజిక్ చేసారు. ఇప్పుడీ అనుభూతిని చెప్పడానికి మాటలేవీ? మేము కనీసం ఆస్టిన్ పవర్స్ కూడా కాదే!
తులసి గారు ఎంత బాగుందో !!
పైన, కిందా, పువ్వులో, ముళ్ళలో, నీళ్ళలో, రాళ్ళలో, కొండల్లో ఎక్కడా పడకుండా అలా గాలిలో తేలే ఈక లాగా, ఇది అని చెప్పలేని భావం కలిగించినిది మీ కవిత. సూపర్ !!!
సురభి
వహ్ సలాం……
చడీ చప్పుడూ లేకుండా ఇక్కడ కవితలు పెట్టేస్తున్నావా…
హన్నా…
చాలా చక్కగా ఉంది కవిత…(ఎప్పుడు బాలేదు చెప్పు…?)
ఈ పంక్తులు చాల బాగ నచ్చాయి నాకు;
మళ్ళీ వెళ్ళొద్దామనుకుంటూ
వెనక్కి తిరక్కుండానే తిరిగొచ్చేసిన దారిలో
ఒక జీవిత పయనంలాంటిదేదో…
అందుకునే రాగం కన్నా
రాయాలనుకునే భావం కన్నా
అద్భుతమైన ఆరా ఏదో వుండే వుంటుంది
ఎటు నుండో రాలే రహస్య చినుకులా
తెల్లారితే మరపుకొచ్చే ఒక నిశీధి తలపులా !
ఎప్పటికీ అలానే ఉండిపోయే
అది ఒక మాటో, మరి పాటో! – అద్భుతం – నా మనుసు చప్పుడు వినిపించారు
So nice of you all for taking time to leave your opinions. Yes they truly mean a lot to me and makes difference
Thank You!