1
పరిచయం కాని, ఒక సమయం కోసం,
కలలకనడానికి చాలా కాలంముందటే,.
ఒకానొక ఆదిమ అవలక్షణం,.
చిగురులేయడం మొదలుపెట్టినట్లుంది.
2
ఒక్కొక్క అక్షరాన్ని రాసుకుంటూ పోతున్నప్పుడు,
ఎవరో నన్ను, తడుతున్నట్లు,తడుముతున్నట్లు
ఎడతెగని అనుభూతి అవస్థ
ఎక్కడెక్కడినుంచో చీల్చుకొస్తూ,.
3
దృశ్యాలు,దృశ్యాలు విడిపోతున్న జీవితాన్ని,
అక్షరాలతో కుడుతున్నకొద్ది,
చిరుగు పెరిగి, చిరాకు పుడుతున్నట్లు,
పూర్తిగా ఓ లోయై కూరుకుపోతున్నట్లు.
4
నిజానికిది సందర్బం కాదు,
అక్షరాలకో, వాక్యాలకో, రాత్రులకో
అలా, అంకితమైపోవడానికి.
కాని ఎందుకో వాటికోసమే,
సమయం కాలిపోతుంటుంది, ఇలా కాలుస్తూ.
హార్ట్ స్టిలర్ లైన్ >>>> దృశ్యాలు,దృశ్యాలు విడిపోతున్న జీవితాన్ని,
అక్షరాలతో కుడుతున్నకొద్ది,
చిరుగు పెరిగి, చిరాకు పుడుతున్నట్లు,
పూర్తిగా ఓ లోయై కూరుకుపోతున్నట్లు >> చాల బాగుంది
నిశీధి గారు ధన్యవాదాలండి,..,
అభినందనలు
జాన్ హైడ్ కనుమూరి గారు, ధన్యవాదాలండి.
మీకు కాలం దహనమై పోతున్న ప్రతి క్షణం కవిత్వంగా మారుతుంది! చాలా బావుంది. సెబాస్‌!
తిరుపాలు గారు, ధన్యవాదాలండి,.
బాగుంది, అభినందనలు! మీ కవిత్వంలో గొప్ప విషయం యేమిటంటే అది నాలాంటి వాడికి కూడా అర్థం కావడం. ఈ స్థితికి దూరం కాకండి, దయచేసి!
Ramana Murthy గారు, అర్థంకాకుండా రాసేటంత తెలివితేటలు కాని, భాష కాని నా దగ్గర లేవు కాబట్టి,. మీలాంటి వారు చదివితే చాలు కాబట్టి,. ఇదే స్థితి కొనసాగించడానికి ప్రయత్నిస్తానండి,. ,. ధన్యవాదాలండి,. మళ్లీ అచ్చుతప్పులు దొర్లినట్లున్నాయండి,. 1.కలలు కనడానికి 2. దృశ్యాలుదృశ్యాలుగా,..
యిదికూడా బాగుంది భాస్కర్ కొండ్రెడ్డి గారూ
“కాలిపోతున్న సమయం” గొప్ప ఆలొచన భాస్కర్. అభినందనలు
వాసుదేవ్ గారు, ధన్యవాదాలండి,. ,.కవులంటే కాలేవాల్లే కదా,..:)
పోయమ్ చాలా బాగుంది.అభినందనలు సార్
రెడ్డి రామకృష్ణ గారు, ధన్యవాదాలండి,..
భాస్కర్ గారు మంచి రచన.
రామకృష్ణ గారు, ధన్యవాదాలండి,.