‘ ఎలనాగ ’ రచనలు

ఇల్లు అనే కిటికీలున్న పెద్ద డబ్బాలో కూరుకుపోయి నివసించటం, కారు అనే ఇనుప డబ్బాలో కూర్చుని కార్యాలయానికి వెళ్లటం, ఆఫీసుగది అనే నాలుగ్గోడల డబ్బాలో పీల్చి వొదిలేసిన గాలినే మళ్లీ పీలుస్తూ పన్చేసి, ఆపై మళ్లీ ఇనుప డబ్బాలో దిగబడి డబ్బాయిల్లును చేరటం… డబ్బాలుడబ్బాలుగా మనుగడ సాగిస్తున్న డబ్బారేకుల సుబ్బారావులం మనం! తలుపులు మూసీ, ఏసీలు వేసీ మోసం చేసుకుంటున్నాం మనల్ని మనమే. మలయమారుతాలు కలయదిరిగే ఊరి బయటి వాతావరణానికి నోచుకోక బలి అవుతున్నాం గదుల్లోపలి మలినమైన గాలికి. వెన్నెల సోకని వెలితిగదుల్లో ఎన్ని హంగులున్నా అవి పరవశకరమైన ప్రకృతిస్పర్శకు సరి అవుతాయా? చల్లని రేయిలో చంద్రుణ్ని చూసి చాలా కాలమైందనే సంగతినే మరుస్తాం. పిండారబోసినట్టున్న…
పూర్తిగా »

సంగీతాత్మకం కాని శబ్దాల పరంపరతో అవస్థ పడటం అనుదిన కార్యక్రమమైంది నాకు. బండరాళ్ల మీద దొర్లే బండిచక్రాల చప్పుడుకు భయకంపితుణ్నవుతాను. కాయితం చిరిగిన సవ్వడి నా కర్ణభేరికీ హృదయానికీ కలిగించే బాధ వర్ణనాతీతం. ఇనుప అలమరాల తలుపులు తెరిచిన చప్పుడు ఇనుమడింపజేస్తుంది నా చెవులనుభవించే చిత్రవధను. వంటింటి గిన్నెల శబ్దం నన్ను వణికించిన సందర్భాలెన్నో! మనుషుల అరుపులతో కినిసి మానని గాయాలతో పొగిలి మధన పడిపోతుంది మనసు. ఆటోరిక్షాల స్పీకర్ల కఠోర శబ్దాలు అశనిపాతాలై తగులుతుంటే సున్నితమైన శ్రవణేంద్రియాల మీద ఎన్నో గునపాలు దాడి చేసినట్టై సన్నగా మూల్గుతుంది హృదయం. వాహనాల రొదతో ఆహవ వాతావరణం ఆవహించినట్టై ఊహల ఉన్మీలనం ధ్వంసమౌతుంది. రకరకాల యంత్రాల చప్పుళ్లు…
పూర్తిగా »

మనసుకుండలో కవ్వం కదిలి
కడుపులో సుళ్లు తిరిగాకే
కవిత్వం ఒలకాలి బయటికి
హృదయాన్ని ఊగజేసే
భావతీవ్రతే పునాది అయి
అందమైన ఊహల సౌధాలు
తెలివిడి నేత్రాల ముందర
నిలబడాలి నిటారుగా
పొగలకుండా పగలకుండా
పులుగు పిల్ల రాదు గుడ్డు లోంచి బయటికి

శుష్కశూన్య ఇసుకతిన్నెల మీద
చిగురింతల ఆశలు వృథా అవుతయ్
బీడువడ్డ కవన మరుభూమిలో
పదడంబాల ఎరువులు పని చేయవు

ఆల్కెమీ రహస్యం అందరికీ తెలియదు
దుక్కి దున్ని పండించే కళాసేద్యం
పూల పరుపులు పరచిన బాట కాదు
మనోమాగాణికి ఆరుతడి పెట్టిపూర్తిగా »

గుండె మీద నిరంతరం
ఒక బరువైన దిమ్మ
కుమ్ములో చెక్కిన మనసు
సన్నని సెగ మీద ఆగదు కాలుతూ
బొమికల లోతుల్లో వెలితిక్రిమి
ఎప్పుడూ కొరుకుతూ కదుల్తూ
చంపదు చావనివ్వదు
తరగని దాహం తీరదు ఎంత తాగినా -
సగం నిండిన కప్పునీళ్ల కనపడని యాతన
ఖాళీగా వున్న మరో సగం వెక్కిరించే భూతం
చిన్న ఉల్లాసాల బుడగల్ని చిట్లజేసే
పెద్ద వైఫల్యపు సూది
శూన్య ఎడారులకవతల మరులు గొల్పుతూ
సీతాకోక చిలుకల పంట

రాయకపోవటం బాధ
రాయటం ఇంకా పెద్ద ప్రసూతి బాధ
…
పూర్తిగా »