ఉదయపు లెక్కంటే
సున్నాతో సున్నాను భాగించడమే కదూ?
ఏమిలేనితనం నుంచి
మైలు రాయిని తలుచుకుంటూ
మేను ముందుకు వంచడమే.
సున్నాతో సున్నాను భాగించడమే కదూ?
ఏమిలేనితనం నుంచి
మైలు రాయిని తలుచుకుంటూ
మేను ముందుకు వంచడమే.
నిద్ర లేని రాత్రులను
కాల సముద్రంలో కలుపుతూ
తూరుపు నుంచి ప్రవహించడమే కదా!
***
మిట్ట మధ్యాహ్నపు వేళ
బంధాల బంతాటలో
ఒక ఆనంద క్షణంలోనూ వదలని వేలాదిలక్ష్యాలలో
ఒకే ఒక్క జీవనం
మనకోసం మిగిలిపోవడం
ఆశ్చర్యం కాక మరేమి?
***
పడమటి పరదాపైన
ఎగుడు దిగుడుల జీవన రేఖను
ఊహల ఊలు దారాలతో ముడి వేస్తూ
మనో మందిర ద్వారాలకి తోరణాలు కట్టడం
నిజంగా పునర్జన్మే.
***
చివరి చీకటి మలుపులో
శూన్యంలోంచి… శూన్యంలోకి చేరిపొయే
నిస్సంకోచ ప్రయాణమేగా జీవితం.
చాలా బాగుంది. అవును ఉదయపు లెక్కంటే సున్నాతో సున్నాను భాగించడమే.
ధన్యవాదాలు రామకృష్ణ గారు
అర్థాలను వెదుక్కునే యాతనలో పాఠకుణ్ణి సులువుగా అర్థం చేసుకుని మంచి అనుభూతి కవిత రాసినందుకు అభినందనలు
ధన్యవాదాలు మహమూద్ గారు
చాల బాగుంది సార్, మీ కవిత సున్నా ను సున్నా తో బాగిస్తే కూడా ఒకటి వస్తుంది అదే ఈ జీవిత ప్రయాణం చాల బాగుంది …..