‘ మహమూద్ ’ రచనలు

చేరుకోలేని దూరమేం కాదు. చెయ్యేస్తే అందేంత!
నేను నీ వెనుకే ఉన్నాననీ
ఒక పిలుపుని రబ్బరులా కొద్దిగా సాగదీస్తే చాలనీ
నాకు తెలియదా ఏమిటీ?
పూర్తిగా »

ఎండిన నది పాయలమీద
నిశ్శబ్దం చేతిలో చేయి వేసుకొని నడుస్తాను

నల్లగా కందిపోయిన నింగి
వెలుతురిని గుటకలుగా మింగుతూ
ఎక్కిళ్ళలో చీకట్లని జాలువారుస్తుంది

నది మీద శకలాలుగా రాలిపడుతూ
తిమిరం
సైకతచోరులు తవ్వితీసిన గుంతలలో
సెదదీరుతుంది

పూర్తిగా »

మైనంవొత్తి చివరిరక్తపు బొట్టులో
తన భవిష్యత్తును వెదుక్కుంటూ
దీపశిఖ చివరి అంచుమీద
తెలియాడుతున్నది రాతిరి.
ఉదయంలోగిలికి చేరడానికి
ఎడతెగని ఒక సంఘర్షణ.

వెదుకులాట
అన్నింటిలోకి గొప్ప ఉద్యమం.

దేన్నోదాన్ని సాధించాలి కదా?
ఏవైనా కావొచ్చు -
కలలో, కౌగిళ్ళో, కలత నుండి కాసింత విరామం పొందడానికి తగవులో,
తగవుల్లోంచి స్వేఛ్ఛలోకి విహంగాల్లాగా బార్లా చాపుకున్న రెక్కలతో మార్పుల్లోకి,
మానసిక వికాసాల్లోకి.. దేనికోసమైనా కావొచ్చు.

పాము కుబుసం విడిచినట్టు
అన్ని సందిగ్ధతలని వొదులుకోవాలి.
బంధాల లోహ పరిష్వంగాల నుండి విముక్తం కావాలి.
ఈ రాతిరికి కాసింత ఇంధనం కావాలి.