అతనినీ ఆమెనీ
వారి పెంపుడు కుక్క చూస్తూనే ఉంది
ఎప్పటినుంచో వారు
ఒకరి మీద ఒకరు అరుచుకుంటూనే ఉన్నారు
వారిలో ఎవరు ముందు మొదలెట్టారో
ఏ కారణంతో మొదలయిందో
ఇద్దర్లో ఎవరికీ తెలియదు ఎప్పుడూ
తెలిసినా ఎవరూ ఒప్పుకోరు
విసిగిపోయి ఆమెకు ఆపేయాలనున్నా
అతను రెచ్చిపోతాడని అనుమానం
అతనికీ ఎక్కడో ఆగిపోదామని ఉన్నా
అలుసై పోతాడన్న భయం
ప్రపంచాన్ని రెండు భాగాలుగా చేసుకుని
ఒక ప్రపంచం నుండి అతను
మరో ప్రపంచం నుండి ఆమె
శబ్దాల్ని నిశ్శాబ్దాల్నీ
విసుగులేకుండా విసురుకుంటూనే ఉన్నారు
చూసి చూసి
వారిద్దరి మధ్యకూ పోయి
వారికంటే గట్టిగా అరుస్తూ
మొరగడం మొదలెట్టింది
వారి కుక్క
చాలా మంచి కవిత కారణం తెలీకుండా తగాదపడీ వారికి కనువిప్ కలిగించే కవిత రామారావు గారికి ఆబినందనలు
ధన్యవాదాలు కొండ్రెడ్డి గారూ.
- ముకుంద రామారావు
ప్రపంచాన్ని రెండు భాగాలుగా చేసుకుని
ఒక ప్రపంచం నుండి అతను
మరో ప్రపంచం నుండి ఆమె
శబ్దాల్ని నిశ్శాబ్దాల్నీ
విసుగులేకుండా విసురుకుంటూనే ఉన్నారు..
జన్మ పాపలు. భార్య భర్తల విరుద్ధ రూపాలు.
చాలా ఇళ్ళలో ఒకరికొకరు లోకువై పోతామనే అభిప్రాయాలతోనే …ఇలాంటి ఇబ్బందులొస్తాయి! ఒకరినొకరు అర్ధం చేసుకున్న దంపతులైతే……కుక్క మధ్యలోకొచ్చి అరవ వలసిన పరిస్థితి ఉండదుగా!….ముకుంద రామారావుగారి కవిత బాగుంది . ఆలోచింపజేసేదిగా ఉంది . ముకుంద రామారావుగారికి అభినందనలు…!