‘ మూలా సుబ్రహ్మణ్యం ’ రచనలు

నీ లేపుటాప్లు, సెల్ఫోన్లు
టాబ్లెట్లూ, వాలెట్లూ
ఇంటి తాళాలు, అహంకారం

ఒక్క క్షణమైనా
అన్నీ విడిచిపెట్టి

ఖాళీ చేతులు జాపుకుని
ఒక ద్వారపాలకుడి ఎదుట…

కొన్ని ద్వారాలు తెరుచుకోవాలంటే
ఎన్ని వదులుకోవాలో!

కొండముది సాయి కిరణ్ కుమార్ కవిత్వం ‘అంతర్యానం’ విడుదల సందర్భంగా

రైలు ప్రయాణంలో చంద్రుణ్ణి తోటి ప్రయాణికుడిగా ఊహిస్తూ “సహప్రయాణీకుడు” అని ఇస్మాయిల్ గారొక కవిత రాసారు. ఏ ప్రయాణానికైనా తోడు అవసరం. ఇక స్నేహితులు అందరితో కలిసి చేసే ప్రయాణం, మరింత ఆనందంగా, ఆహ్లాదకరంగా ఉంటుంది. అలా కిరణ్ గారితో తొమ్మిదేళ్ళ మా సాహితీయానం నెమరు వేసుకోవడం నాకు ఎంతో ఆనందం.

ఇంటర్నెట్లో కవిత్వం మొదలైన తొలిరోజులు అవి. కిరణ్ గారు, రఘు గారు, బన్నీ గారు, వినీల్, ప్రసూన, తులసి, నిషిగంధ, సీత ఇలా అంతా ఉత్సాహంగా కవిత్వం రాసేవారు. దాదాపు అంతా ఒకేసారి కవిత్వం రాయడం మొదలుపెట్టాం. పడుతూ లేస్తూ…
పూర్తిగా »

1.
ఒక రైలు పట్టా మీదే
చక చకా నడిచేస్తోంది
పాలపిట్ట.

2.
వస్తూ పోతూ
అలలు
నిశ్చలంగా బండ

3.
రాళ్ళు లేని
సెలయేటికి
హొయలేవీ?

4.
మంచు, సెలయేరు
స్వచ్ఛతని
హెచ్చవేసుకుంటూ..

5.
లోపలా బయటా
వెలిగిపోతూ
నదిలో దీపం

6.
గాలికి రాలిన
గన్నేరు పువ్వు.
గడ్డికి పూసింది.

7.
పూవులా వికసించింది
పూలని చూసిన
ఆమె ముఖం

8.
ఎన్ని వక్ర రేఖలో!
రెండు చుక్కల్ని
…
పూర్తిగా »