కన్నె మేరి కన్నప్పుడు
కానుకలు పట్టుకొని దైవదూతలు వచ్చారట.
పదమూడేళ్ళకే నా ఆటపాటలు బందు
చేయించిన అమ్మ చెప్పలేదు
ఇంతి చేమంతులు
మగువతనాన్ని మోసుకొచ్చి
నాలో ప్రతిష్టించాయని.
నాటి నుండి నేటి వరకు
కాలచక్రంతో కాపలా కాస్తున్నాయి నాకవి.
కొన్నిసార్లు అలలు లేని నదులలాగా
నాతో సరాగాలాడుతాయి
ఇంకొన్నిసార్లు నడి సంద్రంలో
తెగిపడిన నౌక రెక్కలాగా
అతలాకుతులం చేస్తాయి
నెల మధ్యలో విజృంభించి
నెలసరితో శాంతించే ప్రళయ గోదావరులవి
నా దేహదాహాన్ని, కడుపాకలిని
కనుసన్నలలో ఆడించే మంత్ర గత్తెలవి
వంటి బరువును, చెంప నునుపును
నియంత్రించే మేటి వైద్యురాళ్ళవి.
కంటి మెరుపును, కురుల నలుపును
ప్రజ్వలించే చందమామలవి.
తనువంతా మరులు ఉసికొల్పే
పున్నాగ పూలవి.
నిష్పత్తులు మార్చుకొంటూ
నిలువెల్లా అశాంతి నింపి
వికటాట్టహాసం చేసే కంతిరీ కన్నెలవి.
నా భావోగ్వేదాలను బానిసలు చేసుకొన్న
కర్కశ యజమానులవి.
బతుకంతా భయోత్పాదకం సృష్టించినా
అమ్మతనాన్ని నాకు కమ్మగా అందించి
ముందు బతుకు పండగ చేసుకోమంటున్నాయి.
సాహిత్య పత్రిక
సంపాదకుల ఈమెయిలు: VAAKILI.EDITOR@GMAIL.COM
namaste madam. a good poem. but, why this glorification?
నాయుడు గారు. మీకు నచ్చినందుకు ధన్యవాదాలు. చాలా కుటుంబాలు ఈ హార్మోను మార్పులను తమ స్త్రీలలో గుర్తించరు.ఆమెను గయ్యాళి గానో , ఇంకో రకంగానో; సమాజం, కుటుంబం ముద్ర వేస్తాయి. నిజానికి తమలో ఈ మార్పులు హార్మోనుల వలనే అని చాలా మంది స్త్రీలకు కూడ తెలియదు. అందుకోసమే ఈ చిన్ని ప్రయత్నం చేసాను. ఇందులో గ్లోరిఫికేషన్ ఏమి లేదు. అంతా సైన్సే.
భయోత్పాతాన్ని సృష్టించే హార్మోన్ల గురించి బలే బాగా రాశారు రమాసుందరి గారూ. అభినందనలు.
ధన్యవాదాలు ఎలనాగ గారు
బాగా చెప్పారు …. అభినందనలు
పాదాలను విడగొడితే చదవడానికి సౌలభ్యంగా వుంటుందని నాకన్పిస్తుంది
–
కన్నె మేరి కన్నప్పుడు
కానుకలు పట్టుకొని దైవదూతలు వచ్చారట.
పదమూడేళ్ళకే నా ఆటపాటలు బందు
చేయించిన అమ్మ చెప్పలేదు
ఇంతి చేమంతులు
మగువతనాన్ని మోసుకొచ్చి
నాలో ప్రతిష్టించాయని.
నాటి నుండి నేటి వరకు
కాలచక్రంతో కాపలా కాస్తున్నాయి నాకవి.
కొన్నిసార్లు అలలు లేని నదులలాగా
నాతో సరాగాలాడుతాయి
ఇంకొన్నిసార్లు నడి సంద్రంలో
తెగిపడిన నౌక రెక్కలాగా
అతలాకుతులం చేస్తాయి
నెల మధ్యలో విజృంభించి
నెలసరితో శాంతించే ప్రళయ గోదావరులవి
నా దేహదాహాన్ని, కడుపాకలిని
కనుసన్నలలో ఆడించే మంత్ర గత్తెలవి
వంటి బరువును, చెంప నునుపును
నియంత్రించే మేటి వైద్యురాళ్ళవి.
కంటి మెరుపును, కురుల నలుపును
ప్రజ్వలించే చందమామలవి.
తనువంతా మరులు ఉసికొల్పే
పున్నాగ పూలవి.
నిష్పత్తులు మార్చుకొంటూ
నిలువెల్లా అశాంతి నింపి
వికటాట్టహాసం చేసే కంతిరీ కన్నెలవి.
నా భావోగ్వేదాలను బానిసలు చేసుకొన్న
కర్కశ యజమానులవి.
బతుకంతా భయోత్పాదకం సృష్టించినా
అమ్మతనాన్ని నాకు కమ్మగా అందించి
ముందు బతుకు పండగ చేసుకోమంటున్నాయి.
మీరు చెప్పిన సూచనలు ఇంకో మిత్రులు కూడ చేసారండి. ఈ సారి పాటిస్తాను. ధన్యవాదాలు.
హార్మోనుల హార్మోనియం పెట్టె స్వరాలను బాగాపలికించారు …..అర్ధం కాని సమాజానికి …అర్ధం చేసుకోలేని …సమాజానికి కనువిప్పు కలిగించేలా ..రమాసుందరి గారు ధన్యవాదాలు
శ్ర్రీనివాసరావు గారు, మీరు అభినందించటం చాలా బాగుంది.
హార్మోనుల ప్రభావం శరీరంపై మనసుపై తద్వారా జీవితంపై కలిగించే వైరుధ్యాలను బాగా చెప్పారు మేడం. అభినందనలతో..
వర్మ గారు, మీకు నచ్చటమ్ నాకు సంతోషం కలిగించింది.
బాగుంది,.హర్మోన్ల మర్మాన్ని చక్కగా విప్పారు,.మొదటి రెండు లైన్లు ఒదగలేదేమో అనిపించింది కవితలో,..
భాస్కర్ గారు,హార్మోన్లు స్త్రీత్వన్ని మోసుకొచ్చిన దూతలుగా చెప్పటానికి అలా రాసాను. ఒదగలేదంటారా. ఇంకొద్దిగా జాగ్రత్తగా రాసి ఉంటే బాగుండేదని నాకూ అనిపించింది. మీకు ధన్యవాదాలు.
కవిత చాలా బాగుంది. హార్మోన్ల రాకను, అవి రగిల్చే భావోద్వేగాలను ఇంత అందంగా చెప్పొచ్చన్నమాట!
జాన్ హైడ్ కనుమూరి గారి సూచన పాటించదగినది.