వట్టిపోయింది తేనెతుట్టె
ఒకటో రెండో తేనెటీగలు
గుచ్చి చూడడానికే
వచ్చిపోతుంటాయి
నదిమీదకి ఒరిగిన చెట్టునీడ
ఒకనాటి జ్ఞాపకం
ఒరవడిలో నిలవలేనిది ఒకటి
నీటిబొట్లన్నీ ఆకులైతేగానీ
కదలలేనిది మరొకటి
లోకం చేతిలో విరచబడి, మలచబడి
అనేకంగా అమ్ముడుపోయింది అస్తిత్వం
ఇక శరీరమొక్కటే పగలని నిజం
వాక్యాన్ని ఆపే విరామచిహ్నం
మొండిది, ఎంత తోసినా జరగదది
మాసిపోయిన గతానికి, కాబోయే గాయాలకీ
మధ్య చక్కని చుక్కలా జీవితం
నమ్మకానికీ, సందేహానికీ మధ్య
చీలిన దారిదగ్గర, చిరిగిన డేరాలో
కుప్పకూలిన ఒంటెతో
శరణార్థిగా
నేను
*
సూపర్. మీరు కవిత్వాన్ని సీరియస్ గా తీసుకోవాల్సిన చారిత్రక సందర్భం వచ్చినట్టుంది గురూజీ
లింగం బేధం లేని వేశ్యల బజారు
వడిలిపోయిన శరీరం నయం
ఆశలేకపోవడం నిరాశే కాదు, అలసటకూడా
నదిమీదకి ఒరిగిన చెట్టునీడ / ఒకనాటి జ్ఞాపకం
నీటిబొట్లన్నీ ఆకులైతేగానీ / కదలలేనిది మరొకటి
ఇక శరీరమొక్కటే పగలని నిజం
ఒకటో రెండో తేనెటీగలు / గుచ్చి చూడడానికే వచ్చిపోతుంటాయి
మేటి భావాలకు సాటి అయిన గొప్ప కవితాభివ్యక్తి. కవితలోని దాదాపు ప్రతి వాక్యమూ కోట్ చేయతగిందే.
శీర్షిక చమత్కారభరితం. అది ఎద + అరి కాదనీ, ఎద + ఆరి అనీ అనుకుంటున్నాను.
ఏది ఏమైనా, మంచి కవిత్వాన్ని చదివిన సంతృప్తిని మిగిల్చినందుకు ధన్యవాదాలు.
నమ్మకానికీ, సందేహానికీ మధ్య
చీలిన దారిదగ్గర, చిరిగిన డేరాలో
కుప్పకూలిన ఒంటెతో
శరణార్థిగా
నేను..’ – చాలా బావున్నాయండి ఈ వాక్యాలు. ఒక్కటీ వ్యర్ధం కాని అక్షరాలకు అద్దాలు.